موضوع: يوميات طالب طب مطحون..تبرع ولو بكلمة الثلاثاء يونيو 12, 2007 4:34 pm
يوميات طالب طب مطحون..تبرع ولو بكلمة
كعادتي كل يوم .. في الصباح الباكر.. اقوم من نومي على هزاتك الرقيقه الناعمة..تداعبني وتلاعبني فأقوم من نومي .. لأكتشف انها هزات الموبيل (( أصلي بكون سيبه ع الهزاز )) عمال يهز ويزن ويصرخ ويقول : الحق حبيبتك يتصل بك اضغط على زر الكنسله .. إعلانا وإخبارا أني خلاص قمت من النوم أقوم من على سريري .. خطوة للأمام .. ومليون خطوة لورى ... وبعد طول عناء وتعب شديد .. اقوم من على السرير ... (( ايه ده )) باقي نص ساعه واروح الشغل ... قصدي الكليه أمشي ابحث عنكي في ارجاء المنزل ؟؟؟؟؟؟ مع انه كل غرفتين غير غرفتي وبيبقو مقفولين .. وحده ع الحجه والتانيه ع اخواتي!!!!!!! اقعد ادور عليكي ... ادور عليكي وف الاخر ... الاقيني في حمامي .. قدام المرايه .. بشوف انسان .. غريب .. جديد .. بشوفه لاول مرة ايـــــــــــــــــــــــــــــــــــــه ده ده انا .. مش معقول ... إتغيرت كده ليه ... ؟ اكيد إتحولت ونا نايم افتح صنبور المياه .. اللي هي الحنفيه يعني ... احط ايدي تحت مياه دافئه لاني مبستخدمش المية غير عند درجة حرارة معينه بس الصدمة .... ايه التلج ده .. أأأأأأأأه ... كالعاده الفصل ده معمول فيه كل يوم السخان مفصووووووووووووووووووووول استحمل بقه يبني وتعالى على نفسك شويه اظبط نفسي ... اجلجل شعري ... كله تمام ايوة كده انا رجعت زي منا عارف نفسي ... الحمد لله جه دور اللبس... اخرج اتخبط من جدار لآخر .. بحثا عن غرفتي هي بعدت ؟؟؟ ولا انا لسه مفوقتش ؟؟؟ مش مهم ... المهم اني انزل الكليه .. وبحماس شديد .. وعزيمة جبارة ... اوصل غرفتي ياترى هلبس ايه ولا ايه ولا ولا ولا ولا الخ الخ افتح دولابي .. الاختيار صعب .. بس مش قدامي غير طقم واحد نسيت ..... ده هو اللي حلتي إلبس وأمرك لله ... لبست اخيرا الحمد لله انزل من البيت .. اشوف الشارع وكأني لأول مرة أشوفه حاجات كتير اتغيرت ... مع ان الناس هيه هيه ... المكان هو هو يمكن بأه نور الشمس عامل عميله .. ما علينا استنى الباص ساعه .. ساعتين ... (( مش كنت نمتهم احسن )) يللا كله خير تفعيص وتخبيط وتلزيق .. مش مهم المهم اوصل الكليه ده برده طلب العلم واخيرا .... الحمد لله وصلت ادخل وكلي نشاط وحيويه .. (( احيانا )) نفس الطلاب .. نفس الدكاترة .. نفس المواد انا احول من الكليه الفقر دي احسن بس هروح فين ؟؟؟؟ سؤال ديما بيطرح نفسه من سيكشن لمحاضره ... ومن محاضرة لمحاضرة الناس تدخل وتخرج .. وانا محلك سر ... قاعد ف الكفتيريا يللا اهو ف الكليه والسلام.. اطلب شاي ميتشربش .. (( بس ده غباء مني )) كنت المفروض اسمع نصيحة الفنانه الشابه الموهوبه مروة (( مشربش الشاي .. اشرب قزوزه انا )) بس للاسف كل مرة افتكر نصيحتها بعد مطلب الشاي يللا اهو الفن فادنا بحاجه ....يخلص اليوم الدراسي .. البس البلطو واشيل الكتب .. ولا اجدع دكتور فيكي يا مصر اتجه نحو البوابه .. مودعا الكليه بعد يوم شاق من الدراسه ..؟؟؟!!! سوري .... اقصد من الحاجات اللي اكلتها وشربتها ف الكفيتيريا صعوبه وعناء تاني علشان أروح .. بس ثواني .. ممكن لحظة ... ليه الناس مستأصداني ..؟ مبيحللهاش الركوب غير وانا جي اركب .. مش مشكله مضطرين نستحمل أركب وأروح .. افتح بوابه البيت .. ادخل ولا سلام ولا كلام ... محدش يكلمني انا جي من الكليه تعبان ... فين السرير ؟؟؟؟؟ اقعد الف وادور والأخر الاقيه مكانه متغيرش ليه كل حاجه بتفضل على حالها .. ليه مفيش حاجه بتتغير ؟؟؟ يمكن قدري ان قدري ميتغيرش ؟؟؟ ألحق السرير بقه وانام ....أســـــــــــتـــــــــنــــه هو يعني السرير هيمشي .. اهو ف مكانه مش هيطير... اكلم المدام الأول .. عالاقل اشكرها .. دي هيه اللي صحتني كلام ... وكلام ... وختاما ... وداع وسلام أنام بقه ... يمكن الحاجه الوحيده اللي بتتغير ف حياتي هي وانا نايم احلامي طبعاوانام على امل اني هصحى على هزات حبيبتي ليه علشان اقوم ليوم جديد .. كله هنا وأفراح ... يمكن يتعدل اللي راح ... وبكرة يمكن ... يمكن ارتاح ...
حياتي قبل تحياتي ...
bosy basem Admin
عدد الرسائل : 51 العمر : 34 تاريخ التسجيل : 24/05/2007
موضوع: رد: يوميات طالب طب مطحون..تبرع ولو بكلمة السبت يونيو 23, 2007 10:59 pm
يارب ترتاح بس للاسف محدش مرتاح خالص يعني مش انت لوحدك حبيبتك نفسها قرفانة اكتر منك بص لحال الناس وقارنه بحالك هتلاقي نفسك احسن من غيرك .... ربنا يوفقك وتخرج من الكلية علي خير ...