ليتني كنت الكفن يوم تمشون ؟؟؟!!!

ياللي دفنتـوا جثتـها.. ليـه تبكـون؟
لولا الحيا..لأقـول : معكـم خذونـي

منه انحرمت وكنت انا عنه مسجـون
ما أذكر لمحتها .. غير مـره بعيونـي

شفتها ..وكانت فرحتـي مالهـا لـون
عجزت لأوصف .. من لمحتها شجوني

ياليتني ..كنت الكفـن يـوم تمشـون
أبقـى معـها بالقبـر ثـم تدفنـونـي

أو ليتني .. من خلفكم كنت (مجنـونة)
أتبع خطاكـم والعـذر هـو : جنونـي

أبكي وراكم .. وأدعي ان كان تدعون
مايكفي انها عـاشت عمـرها بدونـي؟؟

تكفون وهاكم عمري اليـوم تكفـون
برخـص حياتـي دام خابـت ظنونـي

مافادني صبري !! ولا فادنـي عـون
ولا فادني دمعا .. حرق لي جفوني

ياما بكيتـ والبكـي يحـرق عيـون
ميتة أو انها حية .. دمعـي بعيونـي!!

العام كان بفرحتـه.. يعـزف لحـون
واليوم تحت الأرض .. ماهو بكوني

لكن أنا في فرحتـه.. كنـت مدفـون
فوق الثرى .. واليوم موته سجونـي

سميت قلبي عقـب فرقـاه ملعـون
هو و الليالي .. عن هنـاه امنعونـي

ياليتني.. ماعشـت لحظـه بهالكـون
وياليت ربعي .. في سكات اذبحونـي

وياليتكم .. عن همّي اليـوم تـدرون
منها انحرمت ومن عزاها .. احرموني

حتى بوفاتها !! يوم أنا طحت مطعـون
أخفيت طعناتي .. قبـل لا يفضحونـي

بكيت!! لكـن .. ماتظاهـرت بالهـون
أبكي وأقول : الموت هو سبة طعونـي

وإن كان في حبّـي أنـا ..ماتحسّـون
دلوني لقبـره .. وهنـاك ..اتركونـي